صحبتنه لبن ما غيره الماي
اللبن يبقى لبن كلما تطركه
يمكن بالغربه تلكه لـ يسليك
بس مثل لمة اصحابك لا متلكه
محتاجك عطش مر بيه خطار
محتاجك بقت بالريه شهكه
اذا كلبك صخر ويحب الفراك
انا من الشيب شعري شلون افركه
مرنا بطيف مره وشوفنا شلون
نتلكاك ملكه ...شلون ملكه
هلهوله تطك بكل الاركان
والجفوف تتعارك على الصفكه
احنا من نحب مثل المجانين
ومن انريد لـ نحبه انصير لزكه
الك حنت الروح ودمعة العين
اشـــو طــــول غيابك ليش يا زين
مو انته لـ كلتلي مسافر اسبوع
اذا مســه المسى انطي الوجه وين
انته كبال عيني و اني احس مشتاك
عكب عينك تصير الضحكة بالدين
السبت سبتمبر 19, 2009 12:03 am